Dettalji Personali (DSS)

B’dan is-servizz, persuna tista’ taċċessa u tara l-informazzjoni personali tagħha li bħalissa hija miżmuma mid-Dipartiment tas-Sigurtà Soċjali (DSS). Madankollu, huwa importanti li wieħed jinnota li l-informazzjoni personali ma tistax tiġi emendata permezz ta’ dan is-servizz. Dan ifisser li persuna  għandha tirrevedu bir-reqqa l-informazzjoni ppreżentata biex tiżgura li hija preċiża u aġġornata.
 

Tista’ tara l-informazzjoni personali tiegħek li jinkludu:

• Isem u Kunjom.

• Kunjom ta’ Xebba (fejn applikabbli).

• Numru tal-Karta tal-Identità.

• Numru tas-Sigurtà Soċjali (viżibbli biss għal dawk li għandhom il-karta tal-identità tispiċċa bl-ittra A).

• Numru tal-Pensjoni (fejn applikabbli meta tkun qed tirċievi pensjoni kontributorji mid-DSS).

• Data tat-Twelid.

• Sess.

Importanti li jekk tinnota li xi informazzjoni hija skoretta, tinnotifika lid-Diparment tas-Sigurtà Soċjali billi tikklikkja hawn.

Ikklikkja hawn biex taċċessa d-Dettalji Personali hekk kif miżmuma mid-Dipartiment tas-Sigurtà Soċjali.

Jekk waqt li tkun qed tipprova taċċessa dan is-servizz online tiltaqa' ma' xi kwistjoni jew teħtieġ assistenza biex taċċessa dan is-servizz, is-sapport huwa disponibbli permezz tal-helpdesk tagħna:

• Żur il-paġna tagħna Ikkuntattjana, agħżel ‘mySocialSecurity’ mil-lista li tinżel u agħti d-dettalji tal-kwistjoni tiegħek, jew

• Ibbukkja sejħa bil-Microsoft Teams ma’ membru mit-tim tal-Unità għall-Immaniġjar tal-Informazzjoni.

Kriterji ta’ eliġibbiltà ġenerali:

• Kont attiv tal-e-ID maħruġ mill-aġenzija tal-gvern Malti Identità