Pagamenti tas-Sigurtà Soċjali

Ħarsa ġenerali

Dan is-servizz huwa ddisinjat għall-benefiċjarji tas-Sigurtà Soċjali li jridu jaraw u jsegwu d-dettalji tal-pagamenti tagħhom. Jipprovdi ħarsa dettaljata u komprensiva tal-Pagamenti tas-Sigurtà Soċjali kollha riċevuti matul l-aħħar ħames (5) snin. Kemm jekk tirċievi pagament b’Ċekk, Kreditu Dirett jew Kreditu ta’ Benefiċċju tal-Enerġija, dan is-servizz jippermettilek taċċessa d-dettalji tal-pagamenti tiegħek faċilment.

X’se tingħata

B’dan is-servizz, tista’: 

• Tara l-Pagamenti: Aċċessa lista dettaljata tal-Pagament tas-Sigurtà Soċjali tiegħek magħmula b’Ċekk, Kreditu Dirett, u Kreditu ta’ Benefiċċju tal-Enerġija tal-aħħar ħames (5) snin. 

• Dettalji tal-Pagament: Agħżel kwalunkwe pagament mil-lista biex tara dettalji addizzjonali, li jinkludi:
  • Informazzjoni dwar l-Intitolament: Ifhem il-bażi tal-ħlas tiegħek.
  • Dettalji tal-Kont Bankarju: Ara l-informazzjoni tal-kont bankarju assoċjat mal-pagamenti tal-Kreditu Dirett.
  • Dettalji ta’ l-Indirizz: Ara d-dettalji ta’ l-indirizz marbuta ma’ Pagamenti ta’ Ċekk.
    (Nota: Kreditu għall-Benefiċċju tal-Enerġija ma jinkludix dettalji tal-indirizz).

Eliġibbiltà

Kriterji ta’ eliġibbiltà ġenerali: 

• Għandek bżonn kont validu tal-e-ID maħruġ mill-aġenzija tal-gvern Malti Identità.

Kif taċċessa s-servizz

L-utent irid jawtentika sabiex jaċċessa s-servizz u jara l-lista ta’ Pagamenti tas-Sigurtà Soċjali.