Skeda tar-Rapport Mediku

Id-Dipartiment tas-Sigurtà Soċjali f’Malta jipprovdi għajnuna għad-diżabilità lil individwi eliġibbli:

1. Assistenza għal Diżabilità: Eliġibilità – Tista’ tiġi mogħtija lil individwi li għandhom 16-il sena jew aktar, li jbatu minn paraliżi totali, malfunzjoni totali permanenti u severa, jew diżabilità totali permanenti minħabba amputazzjoni tad-driegħ jew tar-riġel. L-Għajnuna għad-Diżabilità tingħata wkoll lil individwi li għandhom diffikultajiet fis-smigħ jew biex jitkellmu.
2. Assistenza għal Diżabbiltà Severa (fiżika): Eliġibilità – Tista’ tkun disponibbli għal individwi ta’ 16-il sena jew aktar b’diżabilità fiżika.
3. Assistenza għal Diżabbiltà Severa (intelletwali): Eliġibilità – Tista’ tkun ipprovduta lil individwi ta’ 16-il sena ‘l fuq b’diżabilitajiet intellettwali u ġenerali fit-tagħlim.
4. Assistenza għal Persuna b’Vista Batuta: Eliġibilità – Tista’ tkun disponibbli għal individwi minn 14-il sena jew aktar li huma jew kompletament jew parzjalment neqsin mid-dawl.

Passi ewlenin għall-applikazzjoni għall-assistenza tad-diżabilità:

1. Żur Speċjalista Kuranti tiegħek:

• Il-persuna b’diżabilità, li hawnhekk ser tkun referuta bħala l-applikant, iżżur Speċjalista Kuranti tagħha, li jimla r-rapport mediku bħala parti mill-proċess ta’ applikazzjoni.
• L-Ispeċjalista Kuranti jissottometti applikazzjoni online f’isem l-applikant.
• Mal-applikazzjoni, l-Ispeċjalista Kuranti tal-persuna għandu jtella dokument fejn jindika dijanjożi tal-kundizzjoni medika tal-applikant.
• Jekk l-applikant ikollu sittin (60) sena jew aktar, irid jiġi mtella’ dokument mediku uffiċċjali minn sptar, fejn juri prova li l-applikant kien dijanjożat bil-kundizzjoni qabel l-applikant għalaq is-sittin sena.
• Għal informazzjoni medika addizzjonali dwar l-applikant, l-Ispeċjalista Kuranti jista’ jipprovdi din l-informazzjoni fit-kaxxa tal-kummenti tal-applikazzjoni.

2. Awtentikazzjoni u Verifika:

• L-Ispeċjalista Kuranti jawtentika billi juża l-e-ID tiegħu.
• Dawn il-kredenzjali aktar tard jiġu vverifikati mill-uffiċjali fi ħdan id-Dipartiment permezz tar-Reġistru Mediku.
• L-Ispeċjalista Kuranti tal-applikant għandu l-għażla li jindika indirizz tal-email differenti minn dak assenjat mal-e-ID waqt il-mili tal-applikazzjoni.

3. Konferma bil-posta elettronika:

• Mas-sottomissjoni, kemm l-Ispeċjalista Kuranti tal-persuna, kif ukoll l-applikant (jekk ikun ipprovdut indirizz tal-email fl-applikazzjoni) se jirċievu notifika permezz ta’ email iġġenerata awtomatikament.

4. Verifikazzjoni tal-Applikazzjoni:

• Id-Dipartiment jirrevedi l-applikazzjoni sabiex jiġi żgurat li d-dettalji kollha tal-applikazzjoni huma korretti u d-dokumenti mitluba fl-applikazzjoni huma mtella’ mas-sottomessjoni.
• Jekk ikun hemm approvazzjoni fl-istadju inizjali, id-Dipartiment jiskeda intervista mal-applikant u jiġi nnotifikat b’ittra li tispjega d-dettalji tal-appuntament mal-bord Interprofessjonali.
• Jekk ġie pprovdu email fl-applikazzjoni sottomessa mill-Ispeċjalista Kuranti tal-persuna, l-applikant jirċievi email ukoll. L-applikant ikollu bżonn jikkonferma jew jerġa’ jiskeda l-appuntament għal data oħra, jekk meħtieġ.
• Alternattivament, jekk l-applikazzjoni tiġi miċħuda, l-applikant jiġi nnotifikat b’ittra li tagħti r-raġuni tar-rifjut.

5. Proċess tal-Intervista:

• Waqt l-intervista, il-membri tal-bord interprofessjonali jevalwaw id-diżabilità tal-applikant jew permezz tal-prattika tal-Kwestjonarju tal-ICF jew billi jevalwaw l-applikant u d-dokumentazzjoni pprovduta mill-Ispeċjalista Kuranti fl-istadju inizjali tal-applikazzjoni, jekk id-diżabilità tissemma f’Artikolu 2 tal-Att dwar is-Sigurtà Soċjali (Kap. 318.).
• Kull membru tal-bord mediku japprova jew jirrifjuta s-sottomissjoni, billi jawtentika bl-e-ID tiegħu.

6. Approvazzjoni jew Ċaħda u Valutazzjoni:

• Mal-approvazzjoni mill-membri kollha tal-bord mediku, id-Dipartiment jipproċedi bil-valutazzjoni tal-finalizzazzjoni tal-applikazzjoni.
• L-applikant jirċievi ittra fl-indirizz postali tiegħu, li tinkludi d-data tal-pagament rilevanti u r-rata tal-pagament għall-assistenza.
• Alternattivament, jekk il-bord interprofessjonali jiċħad l-applikazzjoni, l-applikant jiġi nnotifikat permezz ta’ ittra ta’ rifjut fl-indirizz postali tiegħu, fejn tingħata r-raġuni taċ-ċaħda.

7. Kif Taċċessa u Timla r-Rapport Mediku
Ikklikkja hawn biex taċċessa u timla r-Rapport Mediku online jew daħħal il-URL fil-brawżer tal-internet: rapmed-dizabilita.gov.mt jew skennja l-Kodiċi QR.