Tnaqqis Gradwali tal-Benefiċċji – Persuna Impjegata (DSS)

Overview

Il-benefiċjarji tal-Assistenza Soċjali li jsibu mpjieg jistgħu jagħżlu li japplikaw għall-iskema ta’ Tnaqqis Gradwali tal-Benefiċċji jekk jaqilgħu tal-inqas il-Paga Minima Nazzjonali jew aktar, u jew ikunu rċevew l-Assistenza Soċjali jew l-Għajnuna għal Diżimpjieg jew Benefiċċju Speċjali għal Diżimpjieg għal mill-inqas sena (1) fl-aħħar tliet (3) snin.

What you’ll get

Ir-rata tat-Tnaqqis Gradwali tal-Benefiċċji mogħtija hija persentaġġ ta’ l-aħħar rata ta’ Benefiċċju Soċjali mogħti bl-esklużjoni ta’ bonuses:

75% tar-rata tal-benefiċċju għall-ewwel sena.
55% tar-rata tal-benefiċċju għat-tieni sena.
35% tar-rata tal-benefiċċju għat-tielet sena.
25% tar-rata tal-benefiċċju mħallsa lil min iħaddem għal perjodu massimu ta’ tliet (3) snin, safejn il-benefiċjarju jibqa’ impjegat mat-tali min iħaddem.

Il-benefiċjarji jitħallsu kull erbgħa (4) ġimgħat b’lura u min iħaddem jitħallas kull tnax-il (12) ġimgħa b’lura.

Jekk benefiċjarju li jkun qed jirċievi it-Tnaqqis Gradwali tal-Benefiċċji jispiċċa mingħajr xogħol, il-benefiċju jiġi mwaqqaf kemm għall-benefiċjarju kif ukoll għal min iħaddem. Jekk il-benefiċjarju jerġa jibda xogħol ieħor, it-Tnaqqis Gradwali tal-Benefiċċji titkompla tingħata minn meta twaqqaf il-benefiċju. Umbgħad l-Imgħallem il-ġdid jibda jirċievi hu l-25% tar-rata tal-benefiċċju.

Ladarba jgħaddu t-tliet (3) snin tal-iskema tat-Tnaqqis Gradwali tal-Benefiċċji, il-benefiċjarju jista’ jkun eliġibbli għall-Benefiċċju ta’ Waqt ix-Xogħol, jekk jibqa’ f’impjieg.

Tista’ tagħmel użu minn Kalkulatur online sabiex tagħmel stima għall-intitolament tat-Tnaqqis Gradwali tal-Benefiċċji.

Application Requirements

Imla u ibgħat l-applikazzjoni online.

Eligibility

Kriterji ta’ eliġibbiltà ġenerali:

Applikant li issa huwa nvolut f’impjieg full-time u jaqla’ mhux inqas mill-Paga Minima Nazzjonali, u kien jirċievi benefiċċju mhux kontributorju għall-perjodu ta’ sena fl-aħħar tliet (3) snin.

Dokumenti neċessarji