Ħlas Lura ta’ Pagament Żejjed – Min Iħaddem

Ħarsa ġenerali

Dan is-servizz jipprovdi l-faċilità lil min iħaddem li jirċievi ittra ta’ avviż ta’ ħlas żejjed b’rabta ma’ talba għal tnaqqis gradwali tal-benefiċċji, iħallas online l-ammont dovut lid-Dipartiment tas-Sigurtà Soċjali. L-informazzjoni pprovduta fl-ittra ta’ avviż għandha tintuża sabiex isir l-ħlas lura online tal-pagament żejjed.

X’se tingħata

Ladarba min iħaddem jirċievi Avviż ta’ Ħlas Żejjed mid-Dipartiment tas-Sigurtà Soċjali, il-ħlas żejjed jista’ jitħallas lura online. Min iħaddem jista’ ukoll jawtorizza rapreżentant tiegħu biex jagħmel ħlas lura f’ismu/isimha.

Eliġibbiltà

• Persuna li tħaddem impjegat/a, u kien jirċievi Tnaqqis Gradwali tal-Benefiċċji relatat ma’ dan l-impjegat/a.
• Sabiex tagħmel ħlas lura online mingħajr mhemmx il-bżonn li tawtentika bil-e-ID.

Dokumentazzjoni meħtieġa

• L-ittra ta’ Avviż li tkun intbagħtet mid-Dipartiment tas-Sigurtà Soċjali, fejn ikun hemm indikazzjoni ta’ informazzjoni li trid titniżżel fl-applikazzjoni biex isir pagament b’suċċess.
• Ser ikollok bżonn l-informazzjoni li ġejja: Numru tal-PE, Isem tal-Kumpanija, Isem u Kunjom tar-rappreżentant ta’ min iħaddem, Numru tal-Karta tal-Identità tal-Impjegat u l-Ammont Sħiħ ta’ Ħlas Żejjed Oriġinali. (numri biss għandhom jiddaħħlu fl-ispazju tal-ammont).

Kif tħallas lura ħlas żejjed

Ħallas lura ħlas żejjed dovut lid-Dipartiment tas-Sigurtà Soċjali online.

Jekk waqt li tkun qed tuża dan is-servizz tiltaqa’ ma’ xi kwistjoni jew teħtieġ assistenza:

• Żur il-paġna tagħna Ikkuntattjana, agħżel ‘Ħlas Lura ta’ Pagament Żejjed – Min Iħaddem’ mil-lista li tinżel taħt il-grupp mySocialSecurity, u pprovdi d-dettalji tal-mistoqsija tiegħek, jew
• Ibbukkja sejħa bil-Microsoft Teams ma’ membru mit-tim tal-Unità għall-Immaniġjar tal-Informazzjoni.