Dettalji ta’ Kuntatt – Bidla fl-Indirizz Barrani

Ħarsa ġenerali

Dan is-servizz jipprovdi l-faċilità li tbiddel l-indirizz postali tiegħek irreġistrat mad-Dipartiment tas-Sigurtà Soċjali jekk tkun sejjer toqgħod barra minn Malta jew jekk tkun diġà toqgħod barra minn Malta u trid tibdel l-indirizz tiegħek għal pajjiż differenti.

Jekk qed toqgħod barra l-pajjiż u diġà għandek indirizz postali barrani reġistrat mad-Dipartiment tas-Sigurtà Soċjali u trid tibdel l-indirizz postali tiegħek fl-istess pajjiż ta’ residenza, ikklikkja hawn. (L-utent irid jawtentika bl-e-ID maħruġa minn Identity Malta biex ikollu aċċess għal dan is-servizz online).

X’se tingħata

Ibdel l-indirizz postali tiegħek minn indirizz Malti għal indirizz barrani u viċi versa; jew lejn pajjiż differenti. Din l-informazzjoni ma tiġix aġġornata istantanjament peress li l-ewwel jeħtieġ li tiġi vverifikata.

Eliġibbiltà

Kriterji ta’ eliġibbiltà ġenerali:

Ikollok bżonn tipprovdi l-indirizz sħiħ il-ġdid tiegħek li trid tibdel għalih.
Ikollok bżonn tipprovdi n-Numru tal-Pensjoni tiegħek.
F’każ li tirċievi l-Għotja lil Persuni li ma jikkwalifikawx għall-Pensjoni Kontributorja, trid tipprovdi n-numru tal-Karta tal-Identità minflok in-Numru tal-Pensjoni tiegħek.