Meta iżżur il-website tas-Sigurtà Soċjali, x’għandu tistenna?

01/12/2022 | Aħbar Riċenti

Aħna nemmnu li website għandha tkun faċli għall-utent, li tippermetti lill-utenti jsibu informazzjoni billi jużaw kwalunkwe apparat diġitali. Din il-website hija mmirata għall-individwi kollha, ibda minn persuni vulnerabbli, persuni b’diżabilità, pensjonanti u dawk li jridu jtejbu l-kwalità tal-ħajja tagħhom u jidħlu fid-dinja tax-xogħol. Hija mmirata wkoll għal dawk li minħabba ċirkustanzi f’ħajjithom ma jistgħux jagħmlu aktar milli jkunu assistiti finanzjarjament.

B’riżultat ta’ dan, il-website hija mfassla biex tiggwidak għall-informazzjoni li għandek bżonn permezz ta’ ikoni, minn kif tapplika sa kif tissottometti l-applikazzjoni tiegħek jew tuża servizz online. Is-servizzi tal-klijenti avvanzaw mill-esperjenza tradizzjonali over-the-counter fejn iċ-ċittadini fiżikament kellhom iżuru l-uffiċċji tal-customer care, u li kultant iltaqgħu ma’ dewmien. L-esperjenza tal-utent tas-servizz pubbliku diġitali tjiebet permezz ta’ diversi servizzi ġodda u mtejba disponibbli f’kull ħin u kullimkien permezz ta’ apparat mobbli. Is-servizzi pubbliċi online m’għadhomx l-eċċezzjoni, iżda r-regola, u se jsiru aktar prevalenti bl-adozzjoni ta’ teknoloġiji innovattivi.

Tgħallem kif tuża l-website tas-Sigurtà Soċjali billi tara dan il-vidjow… ikkikkja hawn biex tkun taf aktar.