Logo
Logo
  • MT
  • EN

Eliġibilità għall-Benefiċċji tas-Sigurtà Soċjali għal Ċittadini Ukraini li jgawdu minn Protezzjoni Temporanja f’Malta

12/04/2022 | Aħbar Riċenti

Jekk inti ċittadin Ukren li tgawdi minn Protezzjoni Temporanja f’Malta, tista’ taħdem, tirreġistra għall-assigurazzjoni tas-saħħa obbligatorja, u titlob il-benefiċċji tal-Għajnuna Soċjali mingħand il-Gvern Malti.

Biex tirċievi l-Għajnuna Soċjali, trid tippreżenta talba għall-benefiċċji billi żżur wieħed miċ-ċentri ta’ servizz.gov.

Bħala benefiċjarju ta’ status ta’ protezzjoni temporanja, tista’ tirċievi għajnuna ekwivalenti għall-għajnuna soċjali ewlenija. Dan id-dritt għall-Core Social Assistance huwa disponibbli hekk kif tingħata ċ-ċertifikat ta’ protezzjoni temporanja.

Jekk inti l-Kap tad-Dar tiegħek u qed tgħix waħdek, l-Għajnuna Soċjali tingħata bi dritt tiegħek. Madankollu, jekk id-dar tiegħek tikkonsisti minn membri oħra tal-familja, id-dar tingħata Assistenza Soċjali addizzjonali inkluż l-intitolament għal membri oħra tal-familja eliġibbli li jiffurmaw parti mid-dar tiegħek.

Dawn il-benefiċċji jistgħu jitħallsu lilek permezz ta’ ċekk ta’ kull ġimgħa sakemm tkun tista’ tiftaħ kont bankarju lokali.

Il-benefiċċji jitħallsu lilek sakemm tidħol f’attività bi qligħ jew sakemm tiskadi l-validità tal-istatus ta’ protezzjoni temporanja tiegħek maħruġ minn Malta.