Dokumenti – Issottometti

Ħarsa ġenerali

Dan is-servizz jipprovdilek l-faċilità sabiex ittella’ online kopji tad-dokumenti mitluba mid-Dipartiment tas-Sigurtà Soċjali f’ittra ta’ notifikazzjoni lill-klijent, magħrufa bħala Ittra ta’ Sejħa. B’riżultat ta’ dan id-Dipartiment tas-Sigurtà Soċjali tibgħat Ittra ta’ Sejħa lill-klijent/a, biex j/tiġi nfurmat/a dwar aktar dokumenti li jkun hemm bżonn biex jitkompla l-proċess biex tiġi pproċessata talba għall-applikazzjoni ġdida jew talba għal reviżjoni ta’ applikazzjoni.

X’se tingħata

Dan is-servizz jippermetti liċ-ċittadin itella’ online kopji tad-dokumenti mitluba mid-Dipartiment tas-Sigurtà Soċjali. Meta ċ-ċittadin jirċievi l-Ittra ta’ Sejħa, id-dokumenti mitluba jridu jiġu ppreparati minn qabel bħala kopji skannjati biex ikunu jistgħu jittellgħu online. Matul dan il-proċess, tista’ tintalab aktar informazzjoni. Id-data sakemm għandek ċans biex tagħmel sottomessjoni, tkun imniżżla fuq l-Ittra ta’ Sejħa. Jekk l-informazzjoni mitluba ma’ tkunx riċevuta fil-ħin, l-intitolament għal benefiċċju, jew parti minnu, jista’ jew jittardja biex jingħata jew jintilef id-dritt għalih.

L-annessi kollha mibgħuta jiġu ssejvjati immedjatament fir-Repożitorju tad-Dokumenti tad-Dipartiment wara li jittellgħu. Id-Dipartiment tas-Sigurtà Soċjali mbagħad jivverifika dawn għall-eżattezza u l-validità.

Eliġibbiltà

Kull persuna li tapplika għal xi benefiċċju, jew li bħalissa tirċievi xi benefiċċju mid-Dipartiment tas-Sigurtà Soċjali, u tirċievi Ittra ta’ Sejħa biex jintbagħatu aktar dokumenti neċessarji. Biex tuża dan is-servizz ikollok bżonn:

• In-Numru tad-Dokument kif indikat fl-Ittra ta’ Sejħa maħruġa mid-Dipartiment tas-Sigurtà Soċjali,.
• Jekk tagħżel li tawtentika bil-e-ID, kont attiv maħruġ mill-aġenzija Maltija Identità.
• L-iskannjar tad-dokumenti sottomessi, jista’ jsir bl-użu ta’ kwalunkwè tip ta’ apparat. Id-daqs ta’ kull dokument m’għandux ikun ta’ aktar minn 5MB, sa total ta’ 10MB għas-sottomissjoni sħiħa.

Kif taċċessa s-servizz

Ladarba r-rikorrent jirċievi Ittra ta’ Sejħa maħruġa mid-Dipartiment tas-Sigurtà Soċjali, is-servizz Issottometti – Dokumenti jkun jista’ jiġi aċċessat.

Jekk waqt li tkun qed tuża dan is-servizz tiltaqa’ ma’ xi kwistjoni jew teħtieġ assistenza:

• Żur il-paġna tagħna Ikkuntattjana, agħżel ‘Dokumenti – Issottometti ’ mil-lista li tinżel taħt il-grupp mySocialSecurity, u pprovdi d-dettalji tal-mistoqsija tiegħek, jew
• Ibbukkja sejħa bil-Microsoft Teams ma’ membru mit-tim tal-Unità għall-Immaniġjar tal-Informazzjoni.