Kontribuzzjonijiet tas-Sigurtà Soċjali – Rekord
Ħarsa ġenerali
Dan is-servizz jagħtik ħarsa ġenerali tal-viżibilità tar-rekord tal-kontribuzzjonijiet tas-sigurtà soċjali tiegħek ta’ matul is-snin ta’ ħidma, kemm bħala persuna impjegata, taħdem għalik innifsek jew taħdem għal-rasek. Il-kontribuzzjonijiet li saru fis-sena ta’ qabel jiġu murija f’Diċembru tas-sena ta’ wara. Il-wirja tikkategorizza l-kontribuzzjonijiet fi klassijiet differenti:
- Kontribuzzjonijiet u krediti tal-Klassi 1: Dawn huma għal persuni impjegati.
- Kontribuzzjonijiet u krediti tal-Klassi 2 u Klassi 3: Dawn huma għal persuni li jaħdmu għalihom infushom and jimpjegaw lilhom infushom rispettivament.
Billi tuża dan is-servizz, tista’ faċilment issegwi u tivverifika l-kontribuzzjonijiet u krediti tiegħek matul is-snin, u tiżgura li r-rekords tiegħek huma preċiżi u aġġornati.
X’se tingħata
- Rekord komprensiv tal-kontribuzzjonijiet tas-sigurtà soċjali tiegħek. Dan jinkludi informazzjoni dettaljata dwar il-perjodi koperti, u kwalunkwe krediti li ġew applikati għar-rekord tiegħek.
- Dan is-servizz jiggwidak ukoll tidentifika nuqqasijiet fil-kontribuzzjonijiet li għandek fil-lista ta’ Kontribuzzjonijiet tas-Sigurta Soċjali tiegħek u x’azzjonijiet tista’ tieħu biex tindirizzahom.
Eliġibbiltà
Kont attiv tal-e-ID maħruġ mill-aġenzija tal-gvern Malti Identità.
Kif taċċessa s-servizz
L-utent irid jawtentika sabiex jaċċessa r-rekord ta’ Kontribuzzjonijiet tas-Sigurtà Soċjali tiegħu.
Jekk waqt li tkun qed tuża dan is-servizz tiltaqa’ ma’ xi kwistjoni jew teħtieġ assistenza:
- Żur il-paġna tagħna Ikkuntattjana, agħżel ‘Kontribuzzjonijiet tas-Sigurtà Soċjali – Rekord’ mil-lista li tinżel taħt il-grupp mySocialSecurity, u pprovdi d-dettalji tal-mistoqsija tiegħek, jew
- Ibbukkja sejħa bil-Microsoft Teams ma’ membru mit-tim tal-Unità għall-Immaniġjar tal-Informazzjoni.