Mistoqsijiet Frekwenti għal Residenti Lokali Mhux Maltin

1. Min huwa eliġibbli għall-benefiċċji tas-sigurtà soċjali f’Malta?

Residenti mhux Maltin li qed jgħixu u huma reġistrati li jaħdmu legalment f’Malta jistgħu jkunu eliġibbli għall-benefiċċji tas-sigurtà soċjali. L-eliġibilità tiddependi fuq diversi fatturi, inkluż it-tip ta’ permess tax-xogħol, it-tul taż-żjara u kemm għandhom kontribuzzjonijiet tas-Sigurtà Soċjali mħallsa.

2. Hemm xi benefiċċji speċifiċi disponibbli għal residenti mhux Maltin?

Residenti mhux Maltin jistgħu jkunu eliġibbli għal diversi benefiċċji, inklużi benefiċċji tal-qgħad, benefiċċji tal-mard, u benefiċċji tal-familja, skont iċ-ċirkostanzi u l-kontribuzzjonijiet tas-sigurtà soċjali mħallsa tagħhom

3. Liema dokumenti huma meħtieġa għall-applikazzjoni għall-benefiċċji tas-sigurtà soċjali?

Tipikament, ikollok bżonn il-permess tax-xogħol tiegħek, prova ta’ residenza lokali, dokumenti ta’ identifikazzjoni, u kwalunkwe dokumenti rilevanti oħra speċifiċi għall-benefiċċju li qed tapplika għalih.

4. Nista’ nittrasferixxi l-benefiċċji tas-sigurtà soċjali tiegħi minn pajjiżi lejn Malta?

Dan jiddependi fuq ftehimiet bilaterali bejn Malta u pajjiżek. Għandek tiċċekkja mal-uffiċċju tas-sigurtà soċjali fiż-żewġ pajjiżi biex tifhem il-proċess u r-rekwiżiti.

5. Kif nista’ napplika għall-benefiċċji tas-sigurtà soċjali bħala residenti mhux Malti?

Tista’ tapplika għall-benefiċċji tas-sigurtà soċjali online permezz tal-app mySocialSecurity billi tuża l-e-ID tiegħek, li tinħareġ mill-aġenzija tal-gvern malti Identità. Kun żgur li għandek id-dokumenti kollha meħtieġa f’idejk qabel tissottometti applikazzjoni, bħall-permess tax-xogħol tiegħek, prova tar-residenza lokali u dokumenti neċessarji oħra mitluba speċifikament għall-applikazzjoni li se tkun qed tapplika.

6. Kif naġġorna l-informazzjoni personali tiegħi, bħall-indirizz jew id-dettalji bankarji?

Tista’ taġġorna d-dettalji tal-kuntatt u tal-bank  tiegħek permezz tal-app mySocialSecurity billi tawtentika bil-e-ID tiegħek. Kun żgur li żżomm dawn id-dettalji tiegħek aġġornati biex tevita kwalunkwe kwistjoni bil-ħlasijiet tal-benefiċċji.

7. X’għandi nagħmel jekk niltaqa’ ma’ problemi bil-kont tal-e-ID tiegħi?

Jekk tiffaċċja xi problemi, tista’ tikkuntattja lis-servizz tal-Customer Care tas-sigurtà soċjali, permezz ta’ Servizz.gov Freephone 153 (Ext. 11) jew billi żżur ċentru ta’ Servizz.gov għall-għajnuna.

8. X’jiġri jekk jien ġej minn pajjiż tal-Unjoni Ewropea (UE) u ma nixtieqx li napplika għall-Karta ta’ Residenza maltija?

Bħala ċittadin ta’ Stat Membru tal-Unjoni Ewropea, m’intix obbligat tapplika għal Karta ta’ Residenza Maltija skont il-prinċipju tal-Moviment Ħieles fi ħdan l-UE. Madankollu, jekk tagħżel li ma tiksibx Karta ta’ Residenza Maltija, tista’ tapplika online permezz tal-kont eIDAS tiegħek fejn dan ikun applikabbli. Għas-servizzi li ma joffrux awtentikazzjoni permezz tal-eIDAS, ikollok bżonn tmur personalment f’xi Ċentru ta’ Servizz.gov, fejn aġent ta’ Servizz.gov ikun jista’ jissottometti l-applikazzjoni f’ismek.