Logo
Logo
  • MT
  • EN

Benefiċċju tal-Enerġija (Każ Umanitarju)

Ħarsa ġenerali

Il-Benefiċċju tal-Enerġija huwa mmirat biex itaffi l-effett taż-żieda fl-infiq fuq il-kontijiet tal-ilma u l-elettriku ta’ familji bi dħul baxx.

Wara s-sottomissjoni tal-applikazzjoni tal-Benefiċċju tal-Enerġija, persuna tista’ tikkwalifika:

  • Għal raġunijiet umanitarji (l-applikazzjoni tiġi riveduta mill-Bord Mediku maħtur skont l-Att dwar is-Sigurtà Soċjali (Kap. 318.) sabiex tittieħed deċiżjoni)

X’ser jingħata

Persuna li tikkwalifika għal Benefiċċju tal-Enerġija għal raġunijiet umaitarji, għandha tkun intitolata għal:

  • Ammont li jikkumpensa 80% tal-konsum tal-elettriku qabel l-eko-reduzzjoni, u
  • Jekk l-applikant jew il-konjuġi huma d-detentur tal-kont, ikunu intitolati għal sussidju ta’ mhux aktar minn €65 kull sena fuq il-kera tal-arloġġ tal-elettriku single phase jew mhux aktar minn €195 kull sena fuq il-kera tal-arloġġ tal-elettriku three phase, u sussidju ta’ mhux aktar minn €59 kull sena fuq il-kera tal-arloġġ tal-ilma

Il-Benefiċċju tal-Enerġija jitnaqqas direttament mill-kont tal-Ilma u l-Elettriku. L-ammont tal-Benefiċċju tal-Enerġija mnaqqas jidher fid-dettall fit-tieni paġna tal-kont. 

Aktar minn hekk, benefiċċjarji li huma eliġibbli għall-benefiċċju iżda m’għandhomx il-kont tal-ilma u tal-elettriku fuq isimhom, jirċievu ittra mid-Dipartiment tas-Sigurtà Soċjali bid-dettalji tal-Benefiċċju tal-Enerġija tagħhom. Din l-informazzjoni trid tiġi mqabbla mal-kont li jirċievi s-sid billi l-benefiċċjarju jikkonferma li l-ammont tal-Benefiċċju tal-Enerġija msemmi fuq l-ittra ġie mnaqqas fil-kont.

Eliġibbiltà

Kriterji ta’ eliġibbiltà ġenerali:

  • Kap tal-familja jagħti prova li membru tal-familja jbati minn kundizzjoni medika li teħtieġ użu ta’ ilma u elettriku eċċessiv
  • Il-membru tal-familja għandu jkun residenti f’Malta b’mod permanenti
  • Id-dħul tal-familja (ikkalkulat skont id-dispożizzjonijiet għal Allowance għat-Tfal b’Diżabilità) huwa inqas minn €30,911 fis-sena (Sena Bażi 2019) 

Kull tibdil fiċ-ċirkostanza għandu jiġi rrapportat immedjatament lid-Direttur Ġenerali (Sigurtà Soċjali). Jekk id-Direttur Ġenerali (Sigurtà Soċjali) ma jkunx infurmat dwar il-bidla fiċ-ċirkostanza, intitolament għall-benefiċċju jew parti minnu jista’ jintilef.

Dokumentazzjoni meħtieġa

Dokumentazzjoni ġenerali:

  • Kopja tal-aħħar kont tad-Dawl u l-ilma
  • Ċertifikat Mediku u dokumenti oħra relatati mal-Kundizzjoni Medika (inkludi dokumenti oħra dwar l-użu ta’ apparat li jaħdem bl-elettriku b’konnessjoni mal-kundizzjoni medika)
  • F’każ ta’ persuna taħdem bi qliegħ
    • FS3 full-time/part-time tal-Kap tal-Familja u konjuġi/sieħeb/sieħba
  • F’każ ta’ persuna taħdem għal rasha
    • Profit and Loss Accounts tal-Kap tal- Familja u konjuġi/sieħeb/sieħba
    • Riċevuti tal-Kontribuzzjonijiet tas-Sigurtà Soċjali tal-Kap tal-Familja u konjuġi/sieħeb/sieħba
    • F’każ ta’ Diretturi/Shareholders ta’ Kumpaniji: Audited Final Accounts tal-Kap Familja u konjuġi/sieħeb/sieħba

Kif tapplika

Imla u ibgħat l-applikazzjoni online.

Font Resize
Contrast